يوم الجمعة 12/4/2013 ، كان يوم مهم جداً لفرقة القيامة ( فرع الكويت ); حيث تمت زيارة مشفى NBK التخصصي ، الجناح الثاني للأطفال المصابين بسرطان الدم ” Leukemia “.
الشعور كان لا يوصف ….
دقات القلوب بلشت تسرع و العرق على الجبين بلش يطلع
التوتر بيَن علينا و باسم الحب دربنا مشينا.
كان بالجناح 3 أطفال “عبود ، منذر و لميس”
هنن بيختلفوا بالأعمار ، بس اشتركوا بهالمرض الخبيث
صعب هالشعور ، لما تشوف أطفال ما شافوا غير بـ “غرفة الكيماوي ” .. طفولتهم
صعب هالشعور ، لما تشوف أطفال ما شافوا رفقات ولا انبسطوا بهدايا ولا ألعاب
صعب هالشعور ، لما تشوف أطفال الدمعة بالعين مرافقن لأنوا ببساطة هنن غير
صعب هالشعور ، لما تشوف أهالي هالأطفال نايمين عالتخت ، مو عارفين النهاية
صعب هالشعور ، لما تشوف أهالي هالأطفال البسمة يا دوب عم تطلع و المع مرافق دربن
بس هالشعور كلو بيختفي لما اتحقق ولو شي بسيط من الفوق ، و هيدا اللي حاولنا نعملوا إنو انخفف هالوجع الموجود جوا قلوبن …
اخدنا هدايا رمزية و ادخلنا عالأطفال بابتسامة ودية ” و بكون عم اكذب اذا قلتلكن مافي غصة”
اطمنا عليّون و اتصورنا معون ، و لما عطيناهون الهدايا ، كان في ابتسامة بوجوهن لا توصف و لمعة بعيونن بتشيل الهم من مكانوا .. و أهاليهم من الفرحة بكيوا ، انوا شافوا اشخاص بتهتم
ما بدي طول الحديث … نحن كنّا رايحين لنشوف هالبسمة و انخفف هالوجع الموجود بقلوبن ، بس بالحقيقة هنن اللي زرعوا الابتسامة على وجوهنا و هنن اللي خففوا الهم من قلوبنا ..
أنا بنصح كل الفرق يجربوا هالشعور و حتى أي شخص بيقدر يعمل هالشي ..
و الله يوفقنا جميعاً لخدمة اسمه القدوس.
