نشيد يا ربّ الأكوان

mjoa Saturday November 20, 2021 517

يا ربّ الأكوان

نظم وتلحين: الأب نقولا مالك

 

يا ربّ الأكوانْ       يا فادي الإنسانْ

جينا صوبكْ        لا تِهْمِلْنا يا نبع الحنان

* * * * *

ضَجّة الحضارة         حرقتنا

والموضة الغِرّارة         عميتنا

الفوضى المش مسؤولي           حرمتنا الطّفولي

وبعدُو حُبّكْ متحمّلنا           وعاطينا الغُفرانْ

* * * * *

إبنك بدمّاتو             جَدّدنا

وروحَك بميّاتو           عَمّدنا

والشيطان المعمي              كبّيتو بالعتمي

وحدا دربك بتوصلنا            عا برّ الأمانْ

0 Shares
0 Shares
Tweet
Share