كلمة الأخ الياس زهرة من مركز حلب في ورشة الهويّة النهضويّة
مرحبا يا أخوة .. أنا هلأ رح أحكي بالنيابة عن مركز حلب بالنسبة إلنا نحن هال group كانت أول مشاركة إلنا بمخيم للأمانة أو حتى بالهوية النهضوية .. حبينا نشارك بهالمخيم لنعرف أكتر لنحكي أكتر لنوصل اصوات كتيرين من مركزنا ، حبينا نعرف أكتر عن حركتنا و نرجع ننقل هالخبرة الحلوة و هالمعرفة كل واحد مننا للفرقة يلي هو فيها لحتى هالشبيبة تعرف لوين هي بتروح ،
كل أسبوع بتجتمع بالمركز (البيت الحركي) .. كل واحد فينا بيجي على هالمركز بيعمل اجتماع و بروح و ما بيخطر ببالو أنو يسأل أنا ليش هون ؟
بالنسبة إلنا نحن تقريبا كنا هيك بس نتيجة هاللقاء قدرنا نستفيد من كتير معلومات ما كنا نحن منعرفها ..
تعرفنا على كتير أخوة و أخوات حركيين تبادلنا كلشي حكي ممكن ينحكى بهالأربع أيام ، استفدنا من خبرات بعض ، سمعنا مشاكل كل مركز و كل مركز حكى مشاكلو ، بهالفترة من الحديث ما حسينا حالنا لحالنا أبدا كان في أخوة بشاركونا همومنا ..
♡ نحن كتير انبسطنا معكن شكرا للكل و حتى للشبيبة اللي شاركوا معنا أحلى اخوة و ما بنسى حتى شباب و صبايا الخدمة
♡ بكرا (بالسنين اللي جاية) كل واحد فينا رح يرجع شخص جديد و أكيد نحن كلياتنا بقلبنا عمنصلي لبعض أنو نرجع نلتقي و أنو الله يكون مع كل حدا مننا. و منتمنى يكون في تواتر بهاللقاءات و ينسمح لعدد أكبر من الأخوة أنو يشاركوا بهيك لقاء. ميرسي كتير للكل
♡ مركز حلب – مركزنا سندنا
“ورشة الهويّة النهضويّة” – الأمانة العامّة : المخيّم الشتويّ المركزيّ “برنامجنا هو المسيح”
آذار 2016